சிவகங்கை காந்தி வீதியில் அமைந்துள்ள யாழினி திரையரங்கில், கிங்டம் என்ற திரைப்படம் இன்று திரையிடப்படுவதாக சுவரொட்டிகள் ஒட்டப்பட்டிருந்தன. இத்திரைப்படத்தில் இலங்கை தமிழர்களை குற்றப்பரம்பரை போல சித்தரிக்கப்பட்டு இருப்பதாக கூறி இதற்கு எதிர்பு தெரிவித்து நாம் தமிழர் கட்சியினர் முற்றுகைப் போராட்டத்தில் ஈடுபட்டதால் பரபரப்பு ஏற்பட்டது.

இதில் சுமார் 50க்கும் மேற்பட்ட நாம் தமிழர் கட்சியினர் கிங்டம் திரைப்படத்திற்கு எதிர்ப்பு தெரிவித்து ஊர்வலமாக வந்து திரையரங்கு வாயிலில் கண்டன கோஷங்களை எழுப்பினர். பின்னர் திரையரங்கு நிர்வாகிகளிடம் நடைபெற்ற பேச்சு வார்த்தையினை தொடர்ந்து, கிங்டம் திரைப்படம் இனி திரையிடபாடாது என அறிவிக்கப்பட்டது. இதனை அடுத்து நாம் தமிழர் கட்சியினர் கலைந்து சென்றனர்.